Ther jur u slap ha Sohra, hynnin ka sngi, yn ther jur u slap, sa lashai ka sngi

Shillong: Ka jinghap slap, ha Shillong, hynnin ka sngi, ka long 45.2mm, katba mynta ka sngi, ka long 12.5mm; ha Sohra, hynnin ka sngi, ka long 171.0mm bad mynta ka sngi, ka long 45.4mm. Ha Umiam, ka jinghap slap, hynnin ka sngi, ka long 42.0mm, katba mynta ka sngi, ka long 2.4mm.

Ka tnat peit mariang jong ka sorkar India, ka India Meteorological Department (IMD), ka ai jingmaham, ba lashai ka sngi, kan don ka jinghap slap, kaba jur bad kaba jur bha, ha ki bynta jong ka jylla. Kan don ruh ka jingtied pyrthat bad khie eriong, ha kiba bun ki jaka.