Ther jur u slap ha Sohra bad ha Shillong, hynnin ka sngi

Shillong: Hynnin ka sngi, ka jinghap slap, ha Shillong, ka poi sha ka 52.8mm, katba mynta ka sngi, pat ka long 5.8mm. Ha Sohra, ka jinghap slap, hynnin ka sngi, ka long 63.3mm, katba mynta ka sngi, ka shu slap malu mala. Ha Umiam, ka jinghap slap, ka long 28.6mm, hynnin ka sngi bad mynta ka sngi, ka long 3.0mm.

Ka tnat peit mariang ka sorkar India, ka pyntip, ba kan don ka jinghap slap kaba kham jur ha ka nongbah Shillong bad ki jaka ba marjan, ha ki 24 kynta ban sa wan. Nangta la pyntip ruh, ba kan don ka jingkhie eriong bad tied pyrthat ha ki bynta jong ka jylla bad kan don ruh ka jinghap slap kaba jur bad kaba jur bha, ha ki bynta jong ka jylla.