Ther jubor u slap ha Sohra, hynnin ka sngi, yn don ka jinghap slap kaba jur bha ha ka jylla

Shillong: Ka Sohra, ka mad ia ka jinghap slap, kaba jubor bha, hynnin ka sngi, ha kaba ka jinghap slap, ka poi sha ka 200.4mm. Ha katei kajuh ka por, ka Shillong, ka ioh slap 22.6mm bad ka Umiam, ka ioh 39.6mm.

Mynta ka sngi, ka jinghap slap ha Shillong, ka long 18.5mm, ha Sohra, ka long 30.0mm bad ha Umiam, ka long 16.4mm.

Ha ki 24 kynta, ki ban wan, kan don ka jinghap slap kaba jur bad kaba kham jur, ha ki bynta jong ka nongbah Shillong bad ki jaka ba marjan bad kan don ka jinghap slap kaba jur bad kaba jubor bha, ha ki bynta jong ka jylla, ha ki 24 kynta, ki ban wan.