Ther biang ka Congress ia U Modi

Shillong, 6 Jymmang:
Mih biang ka khu bor na ka Indian National Congress, mynta ka sngi ruh, ha kaba ka ong Dear Rupang News bad ka jingthoh ha kane ka sien kaba mynta, ka long ba ka seng Congress, ka la kynthoh ba U Narendra Modi, ha ka jingkren jongu, ha ka jingkanbas elekshon ha UP, ula pynsngew ba un weng noh ia ki riew sain pyrthei, kiba donkti ha ki kam runar bapher.
Ka Congress, nangta ka batai shaphang U Brij Bhushan Saran Singh, uba dei u kandidet jong ka seng BJP, na Kaiserganj, ha Uttar Pradesh bad la iathuh ba utei u dei uba la buhrieh ia ki shipai jong U Dwood Ibrahim, ha u snem 1992, ha kaba la lap da ka jingtohkit jong ka CBI bad ba ki la pyniap ia 3ngut ki briew ha ka JJ Hospital ha Mumbai. Bad u dei uba pynshit ia ki kam pyntriem bapher bapher bad u dei ruh uba donkti ha 40tylli ki kam pyntriem bapher pyrshah ia u. La jied ia un, na ka tiket jong ka Samajwadi, ha u snem 2009 bad la ialam da U Amit Shah, sha ka seng BJP, ia utei u riew runar. “Dei kum une briew, ba u Modi, u kwah ban ialam sha Parliament?” ong katei ka kyrwoh jong ka seng Congress.