Thep kyrteng u kyrtong UDP na Nongstoiñ

Nongstoiñ: Hadien ba ki kyrtong na ki party bapher bapher ki ban iakhun ia ka ilekshon sha ka KHADC napoh ka Nongstoiñ Konstitwensi kila dep lut ban leit thep kyrteng lut, sa u kyrtong jong ka UDP u la leit ban thep kyrteng khatduh mynta ka sngi.
Utei u kyrtong jong ka UDP u ban sa iakhun ruh ba Nongstoiñ Konstitwensi u dei u ba la tip kyrteng kum u bah Tonington Tyrsa bad ha katei ka jingleit thep kyrteng jong u, la synran lang da u Bah Mosklandar Marngar, bah Morning Tympuin bad kiwei kiwei.
Na ka liang u Bah Toning u la pynpaw ba lada ki paidbah ki jied ia u ban mihkhmat sha District Council, un peit un jngoh ia ka bha ka miat ki paidbah ha baroh ki liang kiba ia dei bad ka roi ka par bad kiwei de ki jingeh, kham kyrpang na ka bynta ki kup shiliang ki sem shilliang jong ka imlang sahlang.
Na ka liang ki nongialam ka UDP, ki la pyntip ruh ba ha ka 12 tarik mynta u bnai yn pynlong ia ka jingialang bah jong ka party ha Hall Mecofed ha ka por 11 baje mynstep bad ha katei ka sngi, yn don lang ruh ki nongialam jong ka party ba kynthup ia u Bah Donkupar Roy, Bah Jemino Mawthoh bad Bah Bindo M Lanong.