Shillong:U bah Pius Marwein, kandidet jong ka seng UDP, ula thep kyrteng hynnin ka sngi ban long kum u kyrtong na Ranikor Constituency, na bynta ka elekshon MLA, ka ban long ha ka 23tarik Nailar 2018. U Bah Pius, ula thep kyrteng ha U Bah W Biam, Returning Officer ha ophis jong U Deputy Commissioner ha Mawkyrwat.
Ki kandidet, kiba la dep thep kyrteng na Ranikor, ki long U Bah Marwein, U MM Danggo, u ban iakhun mynta na ka tiket jong ka seng NPP, U bah PN Syiem na ka seng PDF, U Jackiush K Sangma, kandidet jong ka seng Congress, kiba la thep kyrteng ha ka Sngi Thohdieng ba ladep.
Na bynta ka South Tura, ym shym la don ba thep kyrteng satia hynnin ka sngi bad kiba don ha ka lympung ialeh, ki long U Conrad Sangma, myntri rangbah ka Jylla, uba iakhun na ka tiket NPP bad ka Charlotte W Momin, kandidet jong ka seng Congress. La khmih lynti ba U John Leslee, uba dei U MLA barim, ba un thep kyrteng ha ka Lah Sngi u Blei.