Shillong 14 Rymphang: Ka Khasi Students’ Union (KSU) lyngba ka Employment Cell bad Education Cell ka la leit ban iakynduh ia u Vice Chancellor ka National LAw University (NLU) Meghalaya, halor ka jingkynrum kynram ha ka rukom thep kam thepjam.
Ha ka jingiakynduh ia une u Vice Chancellor kam shim la seisoh namar um kwah ban pynshai iano iano ruh namar ka don ka Governing Council ha kaba don ki heh sorkar, ki IAS officer bapher bapher kiba dei member bad lyngba ka jingdon jong ki, ka jingthung kam hapoh ka University la pyntip beit sha ki.
Kaba kham lyngngoh ka long ba ia ki kam ba lait hangtei la thung beit tang ia ki Bahaiing bahasem ba don hapoh ka Governing Council bad ia ki briew jong u VC khlem da don kino kino ki advertisement ne jingthung kam kaba khuid.
Ha kane ka jingiakynduh ka seng ia u VC, ka la pynlong ia ka Seng ban mih noh jyndat na ka jingiakren namar kam shim sngew myntoi ban iakren namar um shim la lah ban jubab ia kino kino ki jingkylli kaba ka Seng ka buh ha khmat jong u.
Ka Seng ha kine ki sngi kan sa ialeit ban iakynduh bad ka Sorkar namar kumba la tip ba katei ka University kadei ba la bei tyngka da ka Sorkar Jylla, ban pynbeit halor kane ka bynta ba ka thungkam thungjam kan dei kaba khuid lem kumta ka Seng kan shim la ka jong ka sienjam.
Phi don ban ong eiei?