Theh jingiarap sha ki lanot Garo Hills

Shillong, 8 Nailar:
Ka Round Table India, Shillong, ha ka jing ia treilang bad ki bor District jong ka West Garo Hills, ka la ai jingiarap ia kito ki shem lanot ha ka jingshlei um, ha ki jaka them jong ka District.
U Amit Singhania, Chairman jong ka Shillong Round Table, u iathuh ba ki la iakren bad U Pravin Bakshi, Deputy Commissioner, West Garo Hills, ha kaba ki la pynurlong ia katei ka jingthmu jongki bad ki pynpaw ruh ia ka jingsngewnguh ia ka National Board Round Table India, kiba la bei pisa, na ka bynta ka jingthmu kaba donkam bha bad kumjuh ruh ia ka Marwari Mahila Samiti Shillong, Akhil Bhartiya Mahila Samiti Shillong.
Ki jingbam, kiba ki la ai ki long 2000 kilo ka chirwa, 40000 song ki jingbam, ki ban shu bam beit, 500 song ka um, 2hajar tylli ki jain met, 2hajar tylli ki banian, nangta sa ki dawai bad sa shibun kiwei de ki jingai sngewbha. La aiti ia kitei ki mar, kiba long ar trok pura, ha U Block Development Officer, Selsella Community and Rural Development Block, U P R Sangma, ba un sam sha kitei ki riew shem lanot.
Ka Round Table India (RTI), ka dei ka seng jong ki rang samla bad kaba la tip ia 5377 tylli ki kamra klas, ha ki 2172 tylli ki skul bad kaba la kot sha ka T.180klur ka ijnglut bad kaba la pynmyntoi ia ki 60lak ngut ki khynnah skul.