Theh diesel ki nongniah trok ia u pulit

Shillong, 9 Rymphang:
Ha ka 7 tarik u rymphang ka khubor pulit ka la iathuh ba ha ka por 2:30 baje noh sngi ki nongniah trok ki la khang ia ka surok bah ha Um salem bad Umran, Ri-Bhoi District bad ha katei ka por ki nongniah trrok ki la khang ia ki kali ban iaid bad ki la ther maw ruh ia ki pulit.
La iathuh ba ha ka por 6 baje janmiet, ki nongniah trok ki la shoh ia uwei u pulit UBC/2626 uba la tip kyrteng kum u Limbert A. Sangma uba don hapoh ka kam jong u bad la iathuh ba ki nong niah trok ki la theh da ka Diesel ia utei u pulit da ka jingthmu ban thang im ia u, ha kaba utei u pulit khlem atiar u la mynsaw jur bad la pynkit ia u shapoh Hospital.
Ka khubor pulit ka la iathuh ba ki nongniah trok ki la thang ia ka kali pulit ba la pyndonkam da utei u pulit, ba kham hadien hapdeng ka por 8:30 haduh 9 :00 baje mynmiet , ki nongniah trok ki la thang sa ia ka kawei ka trok rit ki pulit kaba don ia u nombar ML-02-2847 kaba na of Police Reserve Nongpoh, ha kaba la ong ba katei ka kali pulit ka la ingkhong, hynrei u nongniah bad kiwei ki pulit kiba don shapoh ki la laitim.