Thaw shnong thymmai ha Umtngam

Shillong, 26 Nailar:
U Sordar ka Um tngam bah AH Shadap ula pynshkem sa kawei ka shnong thymmai kaba la tip ka Lummawthar ha ka sngi Saitjain.
La jied bad pyn shkem ia ki nongkitkam ka shnong Lummawthar kynthup u rangbah shnong, bah Julius Sujai, Secretary bah Kynsai Shadap lem bad phra ngut ki dkhot ka Executive Committee.
U Bah AH Shadap ula ong, katei ka shnong ba la pynkha na ka Umtngam ka don kumba 40 tylli tnum iing bad ula bynrap ba u rangbah shnong u don hok ban peit tang ia kam iap kam im bad ki kam pynroi hapoh ka shnong, katba ia ka khyndew ka shyiap kin hab hapoh ka jingpeit u sordar.
Na ka liang u bah Shadap ula ong da kaba pynkha ia ka Lummawthar ki la long lai tylli ki shnong kynthup ka Umtngam bad Birsiej hapoh ka jingpeit jong u sordar Umtngam. U la ia khublei bad kitbok kitwriang ia ki nongkitkam jong ka shnong Lummawthar ba kin treihok na bynta ban wanrah ia ka roi ka par hapoh ka shnong.