Thaw kynhun thymmai ki Muster Roll PHE

Shillong, 5 Rymphang:
Ki nongtrei Muster Roll jong ka tnad PHE kiba don ha kylleng ka jylla mynta ka sngi ki la thaw ia ka kynhun thym mai jong ki kaba la tip kum ka Muster Roll and Casual Laborers Association PHE Department, la thaw ia katei ka seng ha ka jing ialang kaba la wan ban ia shim bynta kumba 200 ngut eiei ki Muster Roll jong katei ka tnad na kylleng ka jylla kaba la long ha Khasi National Dorbar Hall.
Ha katei ka jing ialang la jied ruh ia ki nongkitkam jong katei ka seng ha kaba la jied ia u bah Teilang Thangkhiew kum u President, Vice President bah Rangpyntngen Lyngwa, General Secretary bah B.S Mawlong , Treasurer Mrs Beatrice Nongsiej ryngkat ki Organising Secretary n Adviser Unit na kylleng ki jaka kum na nongstoiñ, Nongpoh, Jowai,Shillong bad kiwei pat ki nongheh jong kane ka jylla.