Thaw kyndon ka NEIGRIHMS ia ki nongpang ba na bar jylla

Shillong: Myn hynnin ka sngi ka North Eastern Indira Gandhi Regional Institute of Health and Medical Sciences (NEIGRIHMS) ka la shim ia ka rai ban nym pdiang ia ki ba pang ‘corona virus’ kiba na bar ka jylla Meghalaya.
Katkum ka kyrwoh ba la phah da u director ka NEIGRIHMS u Dr. DM Thapa la iathuh ba ka NEIGRIHMS kan nym pdiang ia ki ba ioh pang ‘Corona Virus’ kiba thmu ban wan phah sumar shapoh ka hospital NEIGRIHMS ha nongbah SHillong.

Ka kyrwoh ka la kdew ruh ba ki nong pang (bym dei ka Corona) na bar jylla Meghalaya kiba donkam jing sumar kyrkieh ki lah ban wan phah sumar shapoh NEIGRIHMS hadien ba la ioh jing bit na ka tnat ka koit ka khiah jong ka jylla bad tang uwei u nongbud yn shah hapoh ka hospital.
Ka kyrwoh ka kdew ruh ba kino kino ki nong pang (bym dei ka Corona) ki ba wan na bar Meghalaya kin shah buh kyrpang lane ‘quarantined’ na ka bynta 14 sngi.

Ka hospital NEIGRIHMS ka la kyntu ruh ia ki kali kit nongpang (Ambulance) bad ia ki nongbud nongpang ba kidei ban ithuh shwa da ka tnat ka koit ka khiah ka jylla ha shwa ban pynpoi shapoh NEIGRIHMS.