Thaw komiti, u myntri rangbahduh, na ka khang dewiong 15tarik, yn shong jingialang ka komiti ha Delhi

Shillong, 11 Nailur:
Ha ka 5tarik Nailur 2014, u myntri rangbah duh, ula thaw ia ka komiti, na ka bynta ban peit halor ka jingkhang tih dewiong ha ka Jylla, ha kaba U Cabinet Secretery jong ka sorkar India, u dei u khlieh jong ka komiti, katba ki dkhot pat, kin dei U Secretery kam poh iing, secretary ka tnat kam dewiong, Secretery kam mar poh khyndew, U Secretery kam ain bad U Chief Secretery ka Jylla, kum ki dkhot jong katei ka komiti.
Katei ka komiti, kan iakynduh ha ka 15tarik mynta u bnai, ha New Delhi bad halor katei ka phang U Chief Secre tery, ula lum ia ka jingia lang bad ki ophisar jongu mynta ka sngi bad la rai, ba kin ia leit sha katei ka jingialang, ha ryngkat bad ki ophisar jong ka Jylla, ong ka kyrwoh, ba la pyllait da U Yeshi Tsering, Principal Secretery jong ka sorkar Jylla, uba peit ia ka tnat mar poh khyndew.
Lah ban pynkynmaw, ba u myntri rangbah ka Jylla, ula thoh ia ka shithi sha U Narendra Modi, myntri rangbahduh ka jylla, ha ka 28tarik Naitung 2014, halor ka phang,ba ka National Green Tribunal, ka la khang ban tih dewiong, halor ka nongrim ban iada ia ki khlaw bad ia ka jing itynnad jong ka mariang.