Thaw komiti elekshon ka UDP, NPP

Shillong, 19 Naiwieng:
Ki liangpyrshah kyn thup ka NPP bad ka UDP ki la rai ban thaw ia ka Coordination Committee na ka bynta ka elekshon Lok Sabha.
Haba kren hynne sha ki nongthoh khubor, u James Sangma u la ong ba ka rai halor kane ban thaw ia ka Committee la shim ha ka jingialang jong ka MPF ha kane ka sngi Nyngkong.
“Kane ka Committee kan leh ia ka kam ban iawer ia kiwei ki seng sain pyrthei ha ka jylla ban wan iasnohlang ban iakhun pyrshah ia ka Congress”, la ong u James.
U Bah Paul Lyngdoh u lah ban long u kyrtong MP ka UDP na Shillong Parliemantary constituency ha ka elekshon Lok Sabha ban long shen.
U Dr Donkupar Roy u president ka UDP un long u Convener ka Committee.