Shillong: Ka kynhun Regional Democratic Alliance (RDA) ba kynthup ia ka United Democratic Party (UDP) bad ka Hills State Leaders People Democratic Party (HSPDP) bad ka kynhun People Democratic Alliance (PDA) ba kynthup ia ka NPP, PDF bad MDC shimet kila thaw ia ka United Democratic Alliance (UDA) ha KHADC ban ialam ia ka Executive Committee (EC).
Haba kren hadien ba la wai ka jingialang myn hynnin ka sngi, u chairman ka UDA u Bah Teinwel Dkhar u ban long ruh u CEM, ula iathuh ba ia ka kam chairman la bynshet ha u Bah Pynshngain Syiem na ka NPP, katba ia kiwei ki kam kynthup ban thung Executive Member (EM) yn sa leh hadien ba la bam smai.
U Bah Teinwel ula iathuh ba ia ka kam secretary ka UDA, la bynshet ha u Bah Pyniaid Syiem na ka NPP, uba la long ruh u nongialam Parliamentary Party hadien ba la shimti noh u Bah Pynshngain kum u chairman.
Ka UDA ban ialam ka UDP ha KHADC ka don 19 ngut ki MDC ba kynthup ia ka UDP 7, NPP 7, HSPDP 2, PDF 1 bad 2 ngut ki MDC shimet ba kynthup ia u bah Lambor Malngiang bad u Bah Latiplang Kharkongor.
“Ngin neh haduh san snem”, la kam ki nongialam ka UDA ba kynthup ia u Bah Teinwel, bah Pynshngain, bah Martle kiba don lang ha kane ka jingialang.
Kila kam ba ka jingkhyllem bad ka jingmih bun ki EC ha KHADC ha kane ka san snem ba la dep, kan nym jia shuh ha kane ka kynti.
Kyrmen ba ka EC thymmai ha KHADC jong ka UDA kan (UDP+NPP+HSPDP+PDF+IND) ba kan pynkloi ban pynlong ain noh ia baroh ki Bill ba dang sahteng jong ki EC ba la leit noh khnang ba ka jaidbynriew hynniew trep barit paid jong ngi kan dang neh ha shrieh pyrthei, lym kumta kan jah rngai na kane ka sla pyrthei.