New Delhi: Ka jingshit, ka la thang tasam ha kine ki sngi, ha kiba bun ki bynta jong ka India bad ha ka sngi hat majai, la iohi ia U Rahul Gandhi, nongialam jong ka seng Congress, ba u hap ban theh da ka um na khlieh jongu, namar ba katei ka jingshit, ka la jubor shibun eh, ha ka jingialang elekshon, kaba ula shim bynta ban kren ha Rudrapur, kaba ha jylla Uttar Pradesh. Ha katei ka jingialang, U Rahul, ula sangeh ban kren shipor, ha kaba u ong Sngewbha iai shah, ka jingshit, ka la jubor bad hangta, ula shim ia u bitor um bad thep da ka um na khlieh lajong.
Ka jingshit ha kine ki sngi ha Uttar Pradesh, ka long 49 degree celsius, katba ha kiba bun ki bynta jong ka Delhi, ka la jan poi sha ka 50 degree, ha kaba ha Mungeshpur bad ha Narela, ka long 49.9 degree bad ha Aya Nagar bad ha Ridge, kiba don hajan Delhi University, ka jingshit ka kiew sha ka 47.6 degree Celsius bad 47.5 degree Celsius.
Phi don ban ong eiei?