Thang mombati ka CSWO ha Khyndailad

Shillong, 7Risaw:
Ka CSWO kan pynlong ia ka jing iathang Mombati ha ka 9 tarik ha Khyndailad ha ka por 6 baje janmiet kum ka dak ka jing kynmaw sngewlem bad ka jingiakhih ba jar jar ban pynrem ia ka jing shah batbor jong ka khynnah rit ha ka jaka kaba jngai tang 8 km na katei ka nongbah Williamnagar.
Katei ka jingthang mombati ka long ka jingiakhih kaba jar jar halor ka jingpynslem ia ka bishar hok halor katei ka jingjia. Ka CSWO lyngba ka kyrwoh na ka kong Agnes Kharshiing, President ka la khot la wer ia ki paidbah jong ka jylla ba kin ia snohkti lang ha katei ka jingthang mombati kaba shi kynta naduh ka por 6 haduh 7 baje janmiet ban pynrem pyrshah ia ki kam thombor ia ki khynnah rit.