Shillong: Ban pynpaw ïa ka jingpyrshah ïa ki ar ngut ki MLA, u Bah Methodius Dkhar bad u Bah Shangkliar Warjri kiba la jop ïa ka ilekshon na ka party HSPDP kiba la leit ban ai jingkyrshan ïa ka sorkar ban ïalam da ka NPP, ki sengbhalang kiba la pynlong ïa ka jingïalang ha Motphran, ki la thang ïa ka tyngshop jong kitei ki MLA.
Ha kane ka jingïalang paidbah ki katto katne ki nongïalam jong ki sengbhalang kiba la kren kila pynpaw ïa ka jingsngew pyrshah ïa kane jingleh jong kitei ki arngut ki MLA bad ki kyntu ïa ki ba kin wan phai ban ïoh ïa ka sorkar kaba thymmai lait na ka NPP.
Kiba la kren ha kane ka jingïalang ki long u Bah Erwin K Sutnga, Bah Donbok Dkhar President ka HITO, Bah Donboklang Kharlyngdoh Vice President HYC seng kmie, Bah Banshai Marbaniang, u President ka MPSO, Bah Thomas Passah, Kong Puriti Phawa, Bah Roykupar Synrem General Secretary ka HYC, kine baroh kila pynpaw ïa ka jingsngew pyrshah ïa ka jingleh kitei ki MLA.
Haba ïadei bad ka jingkren jong u Bah Prestone Tynsong, u nongïalam ka HITO la ong kila mih paidbah ban ïalap pyrshah ban pynrem ïa kane ka sorkar, ha ba ïa dei bad ka jingong ba la bthah ïa ki bor jong ka aiñ ban peitngor la ong ba kan bha ban pynheh lypa ïa ka jail. La ong ba ka NPP bad ka BJP ruh dei ki juh.
Ka HITO,HYC,MPSO BAD KIWEI KIBA DON BYNTA lang BAN THANG IAKI tyngshop JONG U METHADIUS DKHAR BAD SHAKLIAR WARJRI KIDEI BAN LEIT PANMAP NAKI NONGKYRSHAN KI JONG KI (HSPDP)HADUH CONSTITUENCY JONG KI. LA PYNREM JUR IAKA JING LEH JONG KITEI KI SENG BAS IAKI BRIEW KIBA KYRSHAN THANGTYNSHOP.