Thang ki samla EJNC, ia ka tyngshop U MR ka Assam

Shillong:Shisngi hadien ka jingkam u Myntri rangbah ka sorkar Assam hapoh ka Assembly da kaba ong ba ka shnong Mukroh kaba jia ka jingjia iap briew, ka dang dei ka hapoh u pud u sam jong ka Assam, ka seng East Jaintia National Council (EJNC), ka la thang mynta ka sngi, ia ka dur tyngshop jong U Himanta Biswa Sarma, myntri rangbah ka Assam.

Katei ka jingkam u Himanta Biswa Sharma hapoh ka iing dorbar jong ka Assam, ka la pyn kyndit ïa ka jylla Meghalaya bad kham tam ia ka shong Mu khroh, namar kham mynshwa u Sharma, u ong ba dang hap hapoh ka Meghalaya, phewse u Sharma, ula kylla ka ktien.

Kumta ka seng East Jaiñtia National Council mynta ka 14 tarik u Lber da ka jingbitar, ki la thang ia ka tyngshop dur jong u Himanta u Myntri rangbah ka Assam, kum ka dak ban pyrshah ia katei ka jingkam u Sharma. Katei ka jingthang dur tyngshop kaba la long ha khmat ka ophis jong u Deputy Commissioner East jaiñtia Hills District bad ha kajuh ka por, ki la pynlong ia ka jingialang kaba lyngkot ban pynrem ia katei ka jingkren u Sharma.