Thang ki runar, ingkhong ka iing ki nongtrei kompeni r4ngut mynsaw jur ki nongtrei ha Mawphenring

Nongstoin, 15 ’lyngkot:
Myn ha ka sngi balang jong ka taiew kawei ka iing sah ba shipor jong ki nongtrei ka Kompeni shna surok BSC.C&C JV ka ba don ha ka Shnong Mawphen ring kaba hap hapoh SWKH, ka la shah thang dusmon ha ki riew runar ki bym shym la ithuh dur khmat kiba la wan ban hiar da ki phew ngut sha ka tei ka jaka ha ka por 11 baje mynmiet ban leh ia ka tei ka kam runar jong ki.
Ha ka tei ka jingjia bun na ki nongtrei jong ka tei ka Kompeni ki la shah shoh shah pyn mynsaw ha ki tei ki riew runar bad hadien ba ki la dep ban shoh ia ki nongtrei ki la thang syndon wat ia ka iing sah jong ki ruh ha kaba ki tiar ki tar bad ki jingdokam baroh ki la iingkhong lut, ha ka tei ka jingjia saw ngut na ki nongtrei jong ka tei ka Kompeni ki la mynsaw jur ha kaba la pynkit noh ia ki sha CHC Nongstoin ban ioh ia ka jingshah sumar.
Shuh shuh la iathuh ruh da ki nongap jong ka tei ka jaka sah kiba dei ruh ki khasi, ba ki tei ki runar ki la wan ban kyndang ia ki ha ryngkat ki tiar pynmynsaw kiba kynthup ia ki wait, ki dieng bad ki suloi, ki tei ki runar ki la pyndonkam da ka ktien Khasi (Sohra) haba iakren para ma ki kaba la pynsuba ruh ba ki tei ki riew runar kim dei ki trai Shnong lane marjan Shnong.
Haba iakren bad ki nongthoh khubor u wei na ki briew jong ka tei ka Kompeni u la ong ba ka jinglut jingsep ka la kot da ki lak tyngka bad ha ka juh ka por na ka liang jong ki briew ka tei ka Kompeni ki la dep ban leit ujor ia ka tei ka jingjia sha ki Pulit ka Mawkyrwat P.S ban leh ia kaba donkam.