Thang ki runar ia ka jingkieng Hat Mawdon

Shillong: Ha ka step phyrngap jong ka 10 tarik mynta u bnai, ki runar ki bym lah ban tip ki la thang dusmon ia ka Jingkieng ban leit sha Hat Mawdon kaba don sharum jong ka shnong Lawbah, katei ka dei ka jingkieng kaba don sharum jong ka shnong Nonglait shuwa ban poi sha Nongtrai. Katei ka jingkieng kaba la siang da ki dieng sawdong ka la ingkhong bad dkut mar shiteng, la antad ba katei ka jingjia ka dei kaba la jia ha ka por 2 ne 3 baje dang step phyrngap. Namarba ka dei ka jingkieng kaba ki paidbah ki donkam palat la iathuh ba ki bor shnong ki la mih ryntih mynta ka sngi ban maramot dalade hi.