Thang ki runar ia ka jingkieng dieng ha North Garo Hills,ha shwa ki kynta ban thep vote

Shillong: Ha ka step jong ka sngi nyngkong kata ka 12 tarik u Iaiong 2021 kaba long ruh ka sngi elekshon MDC ban thep vote ia ki kyrtong sha ka iingdorbar thawaiñ jong ka Garo Hills Autonomous District Council (GHADC), ki runar ki bym tip satia ki dei kiei ki la wiang ding ia ka jingkieng Soksan kaba hap ha Mendipathar Police Station kaba hap hapoh ka North Garo Hills.

Kat kum ki tyllong khubor ba la ioh lum la iathuh ba u Superintendent of Police(SP), u Abraham T Sangma u la iathuh ba na ka daw jong ka jingiaid pahara jong ki pulit sharum shaneng, ka la pynpulom noh ia ka jingthmu jong kine ki runar ba kin pynjulor ia katei ka jingkieng, ha kaba kitei ki runar ki la thang ia ka taiar ha katei ka jingkieng dieng bad ka jingtohkit ban lap ia ki briew kiba donkti ha kane ka kam ka dang iaid shakhmat.