Shillong: Ka president jong ka CSWO ka kong Agnes Kharshiing ka la thalain tyngeh ia ka sorkar jylla da ka ba ong ba ka sokar MDA bala ialam da u Conrad K Sangma ka thok, ban ong ba kam don kata ka jingtih dewiong beain haka jylla.
Na ka liang jong ka seng CSWO ki la kam ba la ioh ban shon ia ki dur jong ki trok kiba la rieh ha khmat jong ka shnong Iewnongma bad mynmiet pat ki leit sha Assam.
Kat kum ka kyrwoh jong ka President ka CSWO, la iathuh ba ia u dewiong la pyn kit na Shallang, Maweit ban pynpoi sha Assam lyngba ka Langpih.Ia ki kali kit dewiong la pyniaid na Rwiang sha Langpih bad u dewiong u dei u ba dang shu dep tih thymmai bad lyngba katei ka lynti ki trok kit dewiong ki iaid la kumno kumno ha pdeng 30 bad 40 tylli ha ka shisngi.
Ka kong Agnes ka la kynnoh ba kane ka jingleh baroh ka dei ka jingpynkhein ia ka rai jong ka Supreme Court. Ka CSWO ka ong ruh ba ia kum kine ki jingbuh rieh ia ki dewiong la lap ruh hapoh jong ka shnong Semingkri ha South garo Hills District.
Na ka liang jong ka CSWO kala ong ba ka sorkar Meghalaya kala dei ban hukum ia u DGP, ki SP bad ki DC ban jurip mardor ia kane bad phah ia ka kaiphot kaba dei sha ka NGT hapoh Supreme Court. Lada ka sorkar kam treh ban shim khia ia kane ka kam, ka long ba ka sorkar ka la thok, ong ka Kong Agnes.
Ka President jong ka CSWO kala kyntu ruh ia ka Meghalaya State Pollution Control Board ba kadei ban jurip ia kitei ki jaka tih dewiong wat tang ka um ruh kam long shuh ban pyndonkam.
Phi don ban ong eiei?