Thad u Noit da ki dur khlemakor ha Facebook

Shillong, 02 Risaw:
Tang na ka daw ba ka baieid ka pan iakhlad noh, u Bindaskhem Nong-kynrih ( u ba la ju tip ruh kum u Noit) u la thad da ki dur khlemakor jong ka samla jong u (kaba khlem kwah ban pynpaw kyrteng) ha ka 3 tarik u Nailur. Ka kmie jong katei ka khynnah ka kong Stramil Pyngrope na ka shnong Jalynteng, Raid Nongkynrih ka la ujor, ha ka 27 tarik u Nailur pyrshah ia u tei u samla na ka shnong Madan Lyng-doh, Raid Nongkynrih ha kaba ka la iathuh ruh ba u tei u samla u don jingiaied samla bad katei ka khun jong ka kaba dang pule Class XII hynrei namar ka jingbyrngem jong u, katei ka samla ka la pan iakhlad noh na u Bindaskhem.
U Bindaskhem u la byrngem bad ban thad ia ki dur jong ka ha Facebook bad shwa ba un leh ia katei ka bynta u la knieh ia ka Sim Card jong katei ka samla bad u ju byrngem wat haduh ing jong ka bad bud dien ia ka wat sha skul ba ka pule ruh. U tei u Bindaskhem u la shah kem noh ha ki pulit ka Pynursla PS bad pynlong ia ka jingtohkit. U Hynmen u Bah Kerboklang Pyngrope ryngkat bad ka kmie jong katei ka khynnah ki la pynpaw ia ka jingpynrem jur ia katei ka jingleh bad kyntu ia ki bor ka ain ban shim khia ha kaba ia dei bad kane ka kam.