Thad madan ka kong Trina, ba ka shah nion bein ha U Tell Me

Shillong:Ka kong Trina Suchen, myn hynnin ka sngi sa shisien ka la wan ban pynpaw biang halor ka jingshah nion bein na ki nongialam jong ka Shnong Lama, ha ka ba ka la dawa na u rangbah shnong ba hapoh shitaiew u dei ban mih pyrthei ban wan pynbna ba ki khlem tait shnong ia ka.

Ka kong Suchen ka la iathuh ba ki nongialam shong hapoh ka jingialam jong u Rangbah Shnong ka Shnong Lama u bah Tellme Dong, ha kaba u la rai ban tait shnong ia ka ing ka sem jong ka, hynrei hakhmat u Deputy Commissioner u la len ia kane.

Kane ka long kmie ka la wan pyn paw ha ka 15 tarik u Kyllalyngkot na ka daw ba ka la shah tait tang na ka daw ba ka la wad RTI ha kaba haduh mynta kam pat ioh ia ka jingiasuk ha shnong ha thaw ha ka ba ki kyndon ain kit eh ki khum ia ka kat ba ha khmat ka ain ki nongpyniaiad shnong ki len ia kane.

Halor kane ka jingshah tait shnong na ka liang ka ne ka long kmie ka la leit ban ujor ha u Deputy Commisioner ha ka 2 tarik Nohprah 2020, hynrei ha ka 19 tarik Kyllalyngkot u la wan ha u DC ha kaba u la len ia kane ka jingtait shnong ia kane ka long ing.
Hadien ba kane ka la thoh biang ia ka shithi ban pan da ka jingthoh ban pynshisha ia ka jingbym shah tait shnong namar ba ka la shem jynjar ha ka shnong ka thaw ha ka ban a ka liang u DC u la phah da ka jingthoh bad ka la iathuh ban a duh ba ka ioh ia ka ne ka jingthoh ki la shah ban thied jingthied ha shnong bad kumjuh ban shongkali.

Ka kong Suchen ka la iathuh ba ka jingshah tait shnong jong ka ne ka longkmie ka dei namar ba ka la sei madan ia ka jingbamsap ia ka skim 100 sngi MGNREG skim ka ba ka la pan ia ka RTI ha u snem 2019 ha ka ba na ka ne ka RTI la lap ba ka bainong sngi ki khlem siew bad ki skim khlem pyntrei ha ka ba ka pisa ka ba jah ka la kot da ki lak.
Ka la iathuh ruh ba na ka liang u Secretary Shnong u bah Charlin Syrti u la wan ban pynbor ia kane ka long kmie ban weng ia ka RTI ha ka ba u la thong da ka pisa ka ba long T.50,000 bad u la tyrwa ruh ban kin ai da ka skim , hynrei na ka liang kane ka long kmie ka la kyntait ia ka ne ha ka ba na ka liang ki nongialam shong ki la tait shnong ia ka.