Namar ka jingsniew palat ka surok na Trongpleng sha Dangar, kumta ki dkhot ka KSU mynta ka sngi, ki la leit teh lama ia ka ophis jong ka PWD, kaba don ha Dangar bad ki la teh lama iong ruh ia ki kali kiba iaid ha katei ka surok bah, ong ka khubor.
La pyniaid ia katei ka prokram mynta ka step, da ki nongialam jong ka KSU Balat.
U bah Wankit M Thongni, Vice President jong katei ka seng, u ong ba mynta la shiphew snem eiei, ym don ba maramot satia ia katei ka surok, ha kaba la shu pyndap khyndew malu mala naduh Tlongpleng shaduh Balat bad don ruh shibun ki khep, ha kaba ki balang Kristan, ki hap ban maramot ia katei ka surok, haba don kino kino ki jingiaseng kiba kham heh.
