Tar ka KSU, ia ka dur, ba pynpaw dohmet, ba wah hajan hotel ha Sohra

Shillong:Ka Khasi Students Union (KSU) South Khasi Hills Sohra ka la tar lyngkhot kyngkhai ia ki dur ba la wah ha ki artylli ki jaka da ka hotel Polo Orchid.

Kine ki artylli ki poster la rah ha Sohra kata ha lad thanad bad ha ka Gate ban rung sha ïew sohra.
Na ka liang jong u President ka Khasi Students Union, South Khasi Hills, u samla Reebok Diengdoh la tip kum ka ri ka akor ka burom, hynrei ka jingtah kum ia kitei ki dur kiba pyni ia ka kynthei ba ka pynpaw doh ka long pynban kum ka jingthad ia ka burom ka akor jong ka Sohra.

Ka seng ka la mana ruh ia kino kino ki hotel ba kim dei satia ban tah ia ki dur kiba kum kitei, ban buh ha ki bynta jong ka Sohra, namar ka ikhlem akor ban peit ruh.
U la ong ruh ba kam i shong nongrim satia ban iohi ba kum kitei ki poster ki dei ban buh, ki briew kiba shu wan sha ka thain, kim sngewthuh satia ia ka jingkordor ka burom ka akor ha ka thain Sohra.

Ka jingbuh ia ka poster ha ka jaka jngi bad ka dur jong ka kynthei ba pyni ia la ka jong ka doh, haduh ba ym ilong shuh ban peit ruh.
U samla Diengdoh, u la ong ruh ba ka jingphah tar ka jong ki ka dei ba katei ka dur ka don ha ki jaka paidbah, ha ka ba baroh ki lah ban iohi lut, naduh ki khynnah skul ruh.

Ka jingdon jong kum kiba kum kitei ki dur kan pynkylla ia ka jingmut jing pyrkhat jong ki khynnah kiba dang khie.
Ka jingtah ia kitei ki dur ban pynkylla nongwei, ia ka sohra bad ban khring ia ki nongwan jngoh kai ka long kaba ym iahap satia, hynrei ban khring ia ki nong jngohkai, dei ban buh da ki dur kiba itynnad bad don akor.