“Tang U Paul marwei, ia ka vote jong ka KHNAM”

Shillong,25 Lber:
Kham mynshuwa ki la mih ki jingpyni daw bad ki jingkynnoh ka KHNAM halor ka jingbym lah jong ka ban ai ka jingkyrshan ia u kyrtong ba la pynieng da ka seng UDP u bah Paul Lyngdoh, katto katne tylli ki daw ki long ba ka la kyn noh ba dei u bah Paul uba la thmu ban pynduh pyn dam shisyndon ia ka KHNAM, ba u dei uba la pynkhyllem ia ka sorkar MPA bad kiwei. Hynrei na ka liang u Vice President ka UDP Youth Wing, u bah Hamlet Dohling haba ia kynduh bad ki nongthohkhubor u la ong ba ki daw hi kiba la pynlong u President ka KHNAM u bah Pyndap Saibon ban kren bun kiei kiei ka dei na ka daw shimet jong hi. U bah Hamlet u la ong ruh ba kumno ka KHNAM ka lah ban ong ba u kyrtong ka UDP um lah ban poi sha ka thong jong ka jingjop, khlem da shim jingkhein lane jurip ha kylleng ki jaka. U bah Hamlet u la ong ruh ba haba ia nujor bad ka vote ba ka KHNAM ka la ioh ha baroh kawei ka jylla ha ka elekshon MLA ba la dep ka dang tam ka vote u bah Paual marwei, u la ong ba ka KHNAM ka ioh tang 8600 vote katba u bah Paul marwei u ioh 9333 vote tang na Shillong West Konstitwensi.