“Tang shu ong, ba nga dei U Stalin, ki ia peit suh ianga” ong U Stalin haba u leit sha Russia

Haba U MK Stalin, u leit ha ki khyndiat sngi ba ladep sha Russia, ki nong Russia, ki peit mat suh ia u, na ka daw, ba ka kyrteng jongu, ka dei Stalin, namar ba U Stalin, u dei uwei na ki nongsynshar thombor jong katei ka Ri, uba la leh ia ki kam thombor ba bun bah ha ki ri Europe.

“Nga tang shu hiar khyndew ha kad liengsuin ha Russia, la kylli shwa ia ka kyrteng jongnga. Haba nga ong Stalin, ki bun kiba peit mat suh ianga” ong U Stalin, haba kren sha ka Times of India.

“Haba ki peit ia ka passport jongnga, ki briew sorkar, ki kylli bun ki jingkylli, ha shwa ba kin shah ba ngan leit” bad katei ka dei ia ka jingeit jongu, kaba ha u snem 1989. “Bun bah ki briew ha Russia, kim sngew tynnad ia ka kyrteng jong U Joseph Stalin”.

U MK Stalin, u dei u khun jong U M Karunanidhi, myntri rangbah barim ka Tamil Nadu, uba la jer kyrteng ia u khun jongu, da U Joseph Stalin.

Tangba kam lei lei, namar ba ym dei tang U Stalin jong ka Tamil Nadu, hynrei ka Meghalaya pat ka don da U Adolf Lu Hitler Marak.