Tang shisngi, mar ia dep thep vote, khlad noh u kandidet BJP

Tang shisngi, hadien, ba la kut noh ka sngi thep vote, hynrei, ka la mih ka khubor, kaba sngewsih bad kata ka long, ba U Kunwar Sarvesh Singh, u nongialam ka seng BJP bad uba dei u kyrtong jong katei ka seng, na Moradabad Lok Sabha ha Uttar Pradesh, ula khlad noh, hynnin ka sngi saitjain. U Kunwar Sarvesh Singh, ula iap ha ka sngi saitjain, hadien ka jingshitom kaba la neh slem bha bad ula khlad ha AIIMS ha Delhi, ha ka por 6.30 janmiet.

Ka elekshon sha Moradabad, ka la long ha ka sien thep vote nyngkong, ha ka sngi thohdieng ba ladep bad utei u heh BJP, um shym leit satia ban kanbas elekshon shaei shaei ruh, namar ba u don ha ka jingshitom kaba jur bha. U Kunwar, u don ka jingpang ha u tangkro jongu bad kumta la sumar ia u ha AIIMS ha Delhi, hynrei, ula khlad noh.