Ka jingkhang jong ka sorkar India, ia ka jingialehkai PUBG, ka la ktah jubor ia ki nongialehkai ha India bad kumjuh ia ka nongpyniaid jong katei ka jingialehkai ka Tencent.
La iathuh ba katei ka kompeni, kaba na China, ka la duh kamai haduh $34 billion bad kata ka long tang hadien shisngi, ba la khang noh da ka sorkar India, ia 118 tylli ki apps jong ka China ha India. Nalor ka PUBG Mobile, kiwei ki jingialehkai kiba la shah khang, ki long ka Arena of Valor, Chess Run bad ka Ludo World, kiba la pyniaid da ka kompeni Tencent.
Ka jingialehkai PUBG, ka dei kawei na ki jingialehkai kaba ki bun bha ki nongialehkai ha India, ha kaba ki don kumba 30 million ngut ki nong ialehkai man ka sngi.
Phi don ban ong eiei?