![](https://www.urupang.com/wp-content/uploads/2024/07/image-66.png)
Ka jingpyrshah shna surok jong ki arngut ki kynthei briew, ka la pynbitar lep ia u kontraktor, ha kaba ula tap syndon da ka khyndew, kaba la kot haduh ha ryndang jongki, da kaba theh na ka trok kaba khlong ia ka khyndew ban shna surok. Katei ka dei ka jingjia, kaba la jia ha Rewa District jong ka Madhya Pradesh.
Kitei ki arngut ki kynthei, ki dei ka Mamta Pandey bad ka Asha Pandey, kiba la shah tap da ka khyndew, tang namar ba ki pyrshah ban pyntrei surok, ha kawei ka jaka shimet jongki, ha ka shnong Hinota Jorot, kaba hap ha Mangawa police station.
La iathuh ba ka jingjia, ka jia hynnin ka sngi saitjain bad la iohi, ha ka dur, ba kitei ki arngut ki kynthei, ki dang ieng hadien jong kawei ka trok bad ka khyndew, kaba la tap jan baroh shirynieng, donbok ba ki don ki para marjan, kiba iohi bad leit sei ia kitei ki arngut na katei ka jingban khyndew bad la leit ialam ia ki sha ka hospital kaba don hangtei hajan.
Ki pulit, ki la shim jingtohkit mar mar halor katei ka jingjia bad la iathuh ba la kurup noh ia katei ka dumper bad u nongniah, uba tep khyndew ia kitei ki arngut bad ka jingwad ia kiwei pat ka dang iaid shakhmat.
Phi don ban ong eiei?