Tang naba u iathuh, ba u bang ban bam dohmasi, shah khang U Ranbir ban leit duwai ha temple

U Ranbir Kapoor bad ka tnga jongu, ka Alia Bhatt, ki la shah khang lynti, ba kin leit duwai ha ka temple Mahakaleshwar, ha Mumbai.

Ha katei ka jingleit duwai, ki la ia leit lang U Ranbir, ka Alia bad U Ayan, hynrei, kin da poi ha katei ka jaka mane blei, ki la shah khang lynti ha ki kynhun sain pyrthei bad ki la shah tang ia U Ayan, ba un leit duwai hi marwei. Ki don ruh na kitei kiba ialeh pyrshah, kiba la ktah kti ia ki pulit, kiba dang pyllait lynti, ia U Ranbir bad ka tnga jongu, ba kin rung sha katei ka temple.

Kham mynshwa, ha u snem 2011, ha ka por, ba pyllait ia ka phlim Rockstar, u Ranbir, ula phla, ba u bang bha ban bam doh masi “Ka iing jongnga, ka dei na Peshawar, kumta ki don shibun ki jingbam na katei ka jaka, kiba ki shait wan rah ba ngin bam. Nga bang bha, ia ka doh blang, doh shyieng masi bad ka doh masi bad nga dei uba bang bha ban bam doh masi” ula ong. Katei ka video, ka la mih pyrthei biang ha kine ki sngi, ha shwa ban pyllait ia ka phlim jongu, ka Brahmastra.

U heh pulit jong ka Ujjain, U Om Prakash Mishra, u iathuh ba kitei ki kynhun, ki la iashoh bad ki pulit ruh, katba ki dang pyllait lynti, ia kitei ki shijur ba kin rung sha Mahakaleshwar temple.