Shillong:Ka Myntri ba khmih ia ka kam Aiñ ha ka Jylla, ka kong M Ampareen Lyngdoh, ka la ong ba tang ba kyrduh kam kam mut ban kiengatiar noh. Kane ka jingkren jong ka Myntri ka long halor ka jingmih bad ka jingshah kem noh ki dkhot ka seng National Liberation Council of Nongkyn dong (NLCN).
“Ngam sngew iahap ban ong ban kiengatiar tang namar bym ioh kam”, la ong ka Kong Ampareen.
Ka la ong ba ka Sorkar kan sa leh da kaba tyngeh ia kino kino ki kam sniew ban nym ailad, bad ka jingioh kem noh ia ki dkhot ka NLCN ka pynpaw shai kdar ba ka Jylla ka ong em ia kano kano ka kam pyntriem bad kam kaikhlaw.
Haba kylli, ka Myntri ka la ong ba kam lah ban pyniadei ia kata ka jingbym ioh kam bad ki kam pyntriem, namar ka jingbym ioh kam kadei ka jingeh kaba ktah ia baroh ki nongshong shnong, lada dei kiba shong ba sah ha ki ri kiba la kiew lane kiba dang sahdien, bad lada ym don kam, kam dei ka daw ban shu iakiengatiar noh.
Ka Dr Ampareen ka la ong ruh ba ka Sorkar ka pyrshang ban plie ia ki lad ki lad lynti ha ki kam ki jam ia ki samla, la ka long ha ka rep ka riang, ha ki IT bad ki kam jngohkai.
Ka la ong ba ka jingkyrduh kam, ym dei tang hangne ha jylla, hynrei sha kiwei kiwei ki jaka rug ka pyrthei.
man ka por ki sengbhalang ki beh mynder ba wan trei shane, kumno ki trai shnong ki kyrduh kam . kwah trei ka juh ka Kam baroh baroh te ioh shano phi.