Tang ia ki sobjek ba pheil, ialeh biang, ong ka MBOSE Ia ki samla ba pheil matrik

Shillong, 28 Naitung:
Ka Meghalaya Board of School Education (MB OSE) ka la pynmih ia ka rukom ialeh eksamin thym mai na ka bynta ki khyn nah ba ialeh ia ka Secondary School Leaving Certificate (SSLC), wat la ki la shah bat teng ruh.
Ha ka jingpynbna, ka Board kan ailad ia ki khynnah matrik kiba pheil ba kin ialeh eksam tang ia ki sobjek ba ki pheil ne ki sobjek ba ki shah bat.
Katkum ka jingpyn bna ka MBOSE kane ka jingailad ia ki khynnah ba kin ioh ban ialeh ia ka eksam ha ka sobjek ba kiphiel kan sdang ban treikam naduh mynta u snem 2014. Shu buh lada u khynnah u shah bat ha ka sobjek Saian bad ka Jingkhein, u lah ban ialeh biang tang ia kine ki sobjek ba u shah bat khlem da donkam shuh ban ialeh ia baroh ki sobjek kumba long ha ki por mynshwa, hynrei lada ki kwah ban ialeh biang ia baroh ki sobjek ruh ka shong ha ki.
Katkum ka jingpynbna ka Board, la kdew ba tang kito ki khynnah kiba pheil ne shah bat hapoh lai tylli ki sobjek ki lah ban ialeh biang ia ka eksam tang ia kito ki sobjek ba ki pheil.
Ia kane ka eksam la tip kum ka Compartmental Examination kaban long naduh u 2015. Kito kiba pas na kane ka eksam yn thoh ruh ha ka ‘Marksheet bad certificate’ jong ki “passed under compartmental”.
Na ka bynta kito ki khynnah kiba kwah ban ialeh biang ia ka eksam matrik ha ki sobjek ba ki pheil ki hap ban pyndap ia ki phom ban ioh na ka Board.
Katkum ka jingiakren bad ki katto katne ki nonghikai, kane ka jingleh ka Board ka long ba ka kwah ba baroh ki khynnah ki dei ban pas ia ka eksamin ban pynduh ia ka jingpep skul shiteng por.