Tang hapoh 6 sngi, shah bat 684 ngut ki nongniah bad ioh kuna ki pulit haduh T.6.78lak

Shillong:Ki pulit pyniaid kali ha nongbah Shillong ba la tip kum ki Shillong Trafic Police, ki la pynlong ia ka jingtalasi ia ki nongñiah kali bike bad kiwei kiwei ha ki surok ban pyntikna ba ka jingniah kali ka long ka ba shngaiñ bad ban lap ruh ia kito kiba pynkheiñ ia ki kyndon.

Ha ka jingtalasi ba la sdang naduh ka 22 tarik ïaiong haduh ka 28 tarik ïaiong, ki pulit ki la ioh ban bat noh ia 684 tylli ki nongñiah ki ba pynkheiñ ia ki kyndon, kiba niah ia ki kali ha ryngkat ka jing buaid kyiad,ka jingbuh ia ki pipe silencer ba la mana bad kiwei kiwei pat kiba long pyrshah ia ki kyndon ba la buh.

Ki pulit ki la ioh ruh ban lum ia ka pisa ba 6,78,000 kaba dei ka kuna na kine ki nongñiah kiba pynkheiñ ia ki kyndon aiñ bad ki pulit ki la kyntu ia ki nongñiah ba kin niah phikir bad bud ia ki kyndon aiñ.

Kiba kum kine ki jing talasi ba kyrpang yn sa pynlong manla ka por kum shi bynta ka jingshngaiñ haba iaid ha ki Surok.