“Tang hapoh 4 baje la khang iew ha Ampati” ther u Purno ia u Mukul

Shillong,23 Lber:
U kyrtong ka NPP na Tura uba long ruh u President ba rangbah katei ka seng u Purno A Sang ma hynnin ka sngi, u la leit ban ialap elekshon ha ka konstitwensi u Myntri Rangbah ka jylla u Dr.Mu kul Sangma ha Ampati, ha katei ka ingleit ialap elek shon la wan synran ia u Purno da ka khun jong u ka Agatha Sangma kaba long ruh ka MP ba mynta ka Tura. Ka sngi ba kitei ki shi kpa shi khun ki la leit ban ialap elekshon ha ka ktem u Myntri Rang bah ka dei artad ruh ka sngi iew ba ki paidbah ki bun bha. Haba kren ha ka jingialang paidbah u Purno u la ther tyngeh nyngkong ia ka jinglong jingman jong ka shongsuk shong sain ha katei ka konsti wensi namar ba ba ka shong suk shongsain kam don shuh, namarba la iohi ia ki dak tang ha ka sngi iew ba ki briew ki hap ban khang lut ia ki dukan jong ki tang shu dap 4 baje janmiet bad ki paidbah ki hap ban leit phai ing noh bad ban pyndep ia ki jingdonkam jong ki tang hapoh ka 4 baje.
“Ka Ampati ka dei ka shnong jong u Myntri Rangbah bad nga lyngngoh ban iohi ba dang 4 baje ki dukan ki la khanglut, lada tang shu dap 4 baje ki dukan ki khang lut mut dur ia ka jinglong jingman jong ka shongsuk shongsain ha katei ka jaka” ong u Purno A Sangma haba ia kren bad ki lad khubor. U Purno u la ther tyngeh bad u la ong ba kumno u Myntri Rangbah un lah ban tuklar ia ka shongsuk shongsain ha ka jylla haba tang ha Konstitwensi la jong rurh um lah. Kaba pynkham lyngngoh shuh shuh ong u Purno ka long ba haba iaid lynti ha ki surok tang vha ka por 5:30 baje janmiet ym iohi briew shuh ha surok.
Ka Agatha haba ai jingkren ka la ong ba kitei baroh ki jingjia ha katei ka thain la iohi ba ka dei ka ingbym ler jong u Myntri Rangbah kum u trai shnong ban leh eiei, “Ka la dei ka por ba ngin phah noh da u briew uba la ih bha ha ka politik kum u kpa jong ka (P.A Sangma) sha Delhi”, ong ka Agatha. Ka la ong ruh ba u briew ba dang shu rung thymmai ha ka politik kum u kyrtong ka Congress u Daryl un ym lah ban leh eiei ban pynlait ia ki paidbah Garo na ki jingeh ba ki jia kynduh.
Halor ka jingkynnoh u Mukul ia u Purno ba u kwah ban klun lut ia kiei kiei shuwa ba un iap, ka Agatha ka la ong vba u kpa jong u kwah ban shakri ia ki paidbah Garo bad lada dei ba u kwah tang ialade un ym mih madan hi ruh ban ia khun ha kane ka elekshon.