|
Jowai U kyrtong ka NPP, u ma Rolling Dkhar u la shah rem tang da 3 vote na ka 26- Sumer JHADC Constituency ha kane ka election kaba la pynbna ia ka results mynta ka sngi da u DC ka East Jaintia Hills.
U ma Rolling Dkhar u dei uba trei kum u Sectional Assistant ka tnad PWD bad u la iehnoh ia katei ka kam ban ialeh ia ka election JHADC 2019 bad u la shah pynrem tang da 3 votes ha u kyrtong ka UDP, u ma Krisson Langstang uba dei la pyndep ia ka jingpule ha ka kam iasaid ain.
Ha kane ka election, ka UDP ka la iakhun tyngeh bad ka NPP ha baroh ki jaka bad ka la ioh ban jop na ki 10 tylli ki seat katba ka NPP kaba lam khmat ia ka sorkar jylla bad ruh ia ka JHADC shwa ban kut ka samoi, ka la ioh 12 tylli ki seat ha kaba bun kiba la shah rem ruh.
Kiba la shah rem bad kiba ialeh na ka tiket jong ka Party NPP ki kynthup ia u ma Pheinshwa Nanglein na Mynsngad – Khanduli, u ma Kilometer Lytan na 16-Shangpung, u Skhembok Suchiang na Muthlong-Sohkymphor, u ma Joinriwel Pyrtuh na ka Bataw-Lakadon, u ma Riio Sten na Barato Mukroh, u ma Chemhok Garod na Nangbah, ka kong Violet na Rymbai, bad u CEM ka JHADC, u ma Madonbai Rymbai na Sohmynting Khlieh-Tyrshi.
Nalor kitei ki 8 ngut ki sitting MDC kiba la iakhun na ka NPP, ki la shah rem, kiwei pat ki sitting MDC kiba la shah rem ki kynthup ia u ma Lamdibok Sumer (UDP), CEM barim na War East, u ma Bisonroy (UDP) na Raliang, u ma Laitsing Shylla (INC) na Ummulong-Moodymmai, u ma Suk Shylla (UDP) na Nongjngi, u ma Marki Mulieh (UDP) na Jowai North, u ma Desious Pohshna (INC) na Narpuh bad u ma Moonlight Pariat (UDP) na Jowai South, u ma Hermon Phawa (INC) na Mukhla-Wahiajer bad u ma Hopingstone Bareh (UDP) na Sutnga Narwan.
|
Phi don ban ong eiei?