Shillong: Ka MLA jong ka Malki-Laitumkhrah Constituency kaba dei ruh ka Chairman jong ka Meghalaya Assembly Committee on Women Empowerment , ka Dr. Mazel Ampareen Lyngdoh, ha ka jingialang mynta ka sngi ka la iathuh ba ka jylla Meghalaya ka dang duna ha ka jingshon ia u Aadhaar ia kaba la shon ha kylleng ki bynta jong ka jylla.
Ka Dr. Ampareen ka la iathuh ba ha baroh kawei ka jylla ki don tang kumba 32% kiba shon ia u Aadhaar. Ka la iathuh ruh ba ka long kaei kaei kaba phylla ba ki duna kiba shon ia u aadhaar wat la na ka liang ka sorkar kmie ka la pyniasoh ia baroh ki skhim bad ki kot ki sla sha ka aadhaar bad baroh ki paidbah ki sheptieng ioh ki duh noh ia u khaw rashon hadien ba ia ka NFSA skhim la pyniasoh lang bad ka aadhaar.
Ka Dr. Ampareen ka la iathuh ba haduh mynta ka jylla ka don tang 304 ki kor ba shon dhaar card bad ka la ong ruh ba haba la bun ki paidbah ha ka jylla, ki skhim kiba kynthup ia ka PMAYG, MNREGA, NFSA, bad kiwei pat ki skhim, tang 304 tylli ki kor kin nym dap satia ban shon ia palat da ki hajar ngut ha kawei pa kawei ka jaka shon aadhaar bad la iathuh ruh ba ka General Administration Department (GAD) shen kan sa aiti sa kumba 537 tylli ki kor shon aadhaar ha ka jylla.
“Ia ki nongpyntreikam ia kine ki kor yn bynshet tang ha kito kiba la pass ia ka eksam NSEIT bad ka centre kaba jan tam bad ngi kadei tang ha nongbah Guwahati,” ka la ong.
Ha kajuh ka por, ka la buh ka jingkyrpad ia ka sorkar MDA, ba kan buh noh ia ki centre jong ka NSEIT bad ki jaka ai jinghikai, khnang ba kan long kaba suk ia ki khynnah pule na kane ka jylla ban ia kaba ki leit pule shaduh Guwahati.
Phi don ban ong eiei?