Shillong: Ka kynhun ka Sutnga kaba iakhun tang shiphew ngut ha madan ka la pynkhaid khlem don ba thep kol bad ka Rangdajied United FC da 0-0 ha ka jingialehkai first leg ka semi phainal ka Meghalaya State League 2019 kaba la long ha ka sngi Saitjain ha Teilang Phawa Stadium ha Khliehriat.
Kine ki kynhun ki la ioh rung sha ka semifinal hadien ba ki wan shakhmat duh ka jingkhur point, ka Sutnga na Groups B bad Rangdajied na ka Group C.
Ha ka jingiakhun baroh ar tylli ki kynhun ki la ialehkai bha naduh ba sdang ka jingialehkai ha khmat ki lai hajar ngut ki paidbah kiba la wan ban sakhi lang ban jingkyrshan kham tam ia ka kynhun jong ka Sutnga.
Ha ka jingialehkai baroh ar liang mamla ki iakhun tyngeh bad ki la ioh bun ki kabu, hynrei haduh ba kut ka jingialehkai ba 90 minit ki khlem lah ban thep kol bad ka jingiakhun ka la iakhaid khlem don ba thep kol.
Ka Rangdajied ka la iakhun tyngeh ban niom shakhmat hynrei ki nongap dien ka Sutnga ki la ieng shkem ban kyrda na ka jingshah thep kol.
U Pynshongdor Shadap na ka Sutnga ula rah ia ka nam Man of the Match.
Ka Rangdajied kan hap ban iakhun tyngeh ha ka jingialehkai second leg semifinal ha Mawkyrwat ha ka 17 tarik Nohprah, katba ka Sutnga ruh ka hap ban iakhun tyngeh ha ka jingiakhun ban wan.
Phi don ban ong eiei?