Shillong:Ka jingiatan tyllai hapdeng u Dr Phlour W Khongjee uba dei u MLA barim bad u Bah Banteilang sing Rumnong ka la jur bha na ka bynta ka tiket BJP na Sohra ha kane ka kynti. Ki nongialam ka BJP Sohra, ki kwah ia u Bah Banteilang, hynrei ki riew paidbah ki kham kwah ia u Dr Phlour.
U nongaiktien ka BJP Sohra Mandal u Bah Rojest Diengdoh u la ong ba BJP Sohra Mandal ka ai ïa ka jingyrshan borbah ïa u bah Banteilang Sing Rumnong ban long kum u kyrtong jong ka seng naka Sohra Constituency ha ka elekshon 2018.