Tan ki pulit, ia ka kali khlem number

Nongstoiñ, 9 ’lyngkot:
Kawei ka trok ka bym shym la don number, ka la leit ban tynrah bad thung baji noh ha kawei na ki jaka jong ka surok bah Nongstoin bypass kaba don ha Nongpathar West Khasi Hills District bad hadien katei ka jingjia, katei ka trok ka la shu sah khongreng ha katei ka jaka khlem don mano mano ba wan tan.
Halor katei ka jingjia ki pulit ka Nongstoin Police Station, hadien ba ki la ioh jingtip ha ka sngi thohdieng jong ka taiew ba la lah ki la leit ban tan bad shimti noh ia katei ka trok sha thanad bad kat kum ka khubor na ki pulit la ong ruh ba kiba bun ki bynta jong katei ka trok ki la jah bad shah rong tuh noh ha ki briew kiba ym shym la lah satia ban tip.
Shuh shuh na ka liang jong ki pulit, ki suba jur ba katei ka trok kadei kaba la shah tuh ha kaba ki runar kiba la thmu ban rong tuh ia katei hadien ba ki la ia kynduh , ia katei ka jingjia, ki la iehnoh ia katei ka trok bad phet krad noh ialade na katei ka jaka.
Na ka liang jong ki pulit ki la iathuh ruh ba wat la katei ka trok kam shym don ia u number, hynrei ki la ioh pat ban lap ia ka chassis number jong katei ka trok kaba dei D402XY32902 bad ka engine number JL228H12. Kumta na ka liang jong ki pulit, ki la kyntu ia ki trai jong katei ka trok ba kin wan sha thanad ha ryngkat ki kot ki sla kiba biang.