Shillong,3 Risaw:
Kum shi bynta ia ka jingrakhe ia ka jingdap ba 81 snem ka Indian Air Force , ka Indian Air Force (IAF) kan pynlong ia ka tamasa 2013 kaba la tip kum ka Air festival ha ka 5 tarik mynta u bnai ha Advanced Landing Ground (ALG), Head Quarters Eastern Air Command (HQ EAC), Upper Shillong.
Ha katei ka jingrakhe 81 snem ka IAF kan sdang ia ka tamasa da ka jingpynher ia lai tylli ki jet ia khun kiba la tip kum ka Sukhoi-30 MK I bad yn pynbud pat da ka jingialehkai ha suin ne ka sky diving ban pyni da u nongpyni nam ba pawnam ha ka pyrthei ka kynhun u Akash Ganga bad ruh ki jingpyni nam na u Garud ban ryngkoh na jrong ka Helikoptar. Ha katei ka sngi kin don ruh shibun ki jingpyni nam na ki sahipai suin kiba ban pyni tynnad bad khring ia ki paidbah kiba wan ban peit kai. Yn shah ia ki paidbah ba kin wan sha ALG kaba don hajan 7 mer , Upper Shillong naduh ka por 10 baje mynstep haduh ka por 4 baje janmiet.
Phi don ban ong eiei?