Tam met iap ki pulit na Lyngkyrdem

Pynursla, 29 Naiwieng:
Ki pulit ka Pynursla mynta ka sngi ki la ioh tam ia kawei ka met iap jong uwei u rangbah na kawei ka khlaw kaba don ha shnong Lyngkyrdem.
Haba pynthikna ia kane, ka khubor pulit na Pynursla ka la iathuh ba une u ba khlad la tip kyrteng kum u Bilang Mawkhiew (34 snem) uba dei na ka shnong Lyngkyrdem. U la jah na la iing naduh ka miet 27 tarik mynta u bnai bad la lap ia u na katei ka khlaw bad ka don ka dak mong na khlieh jongu kumba la shah tangon ne shah tied da ki kynja ba eh bha.
Ki pulit ki la iathuh ba ki briew katei ka shnong kiba iohi ia u ha katei ka miet, ki la iathuh baula buaid bha shwa ba un jah syndon naduh katei ka miet.
Ia ka met jongu, la phah kit sha Shillong Civil hospital ban leh ia ka post mortem bad ki pulit ki dang pynlong ia ka jingtohkit halor kane ka kam.