Tam ki pulit ia ka met u samla na Wah

Nongstoiñ, 1 Jymmang:
Ka khubor ba la iohlum mynta ka sngi la ong ba ki pulit jong ka Nongstoin kila ioh ban tam ia kawei ka met iap jong u wei u khynnah samla na kawei ka wah kaba la tip kum ka Wah Tlon kaba don sha ki thain Mawshynrut West Khasi Hills District.
Ka tyllong khubor ka iathuh ruh ba u tei u samla u ba la iap ha katei ka wah la tip kyrteng kum u Lamphrang Pariong 26 snem ka arta u ba dei na ka shnong Mawthoh West Khasi Hills District, bad la lap ia katei ka met iap da ki khynnah ap masi bad hadien katei kila pyntip noh sha ki nongshong shnong ba marjan ha kaba kila pyntip pat sha ki pulit ka thanad Nongstoin.
Na ka u Bah G.D. Kharwanlang, Superintendent of Police ka West Khasi Hills haba iakren bad u nongthoh khubor u la ong ba mar ia ioh jingtip halor katei ka jingjia ki pulit jong ka Nongstoin ki la her bak sha katei ka jaka ban lap ia katei ka jingpyntip jong ki paitbah.
U Bah G.D. Kharwanlang ula iathuh ruh ba ki pulit kim pat shym la lah ban pynshisha halor ka jingiap jong utei u rangbah wat la katta nakaliang jong ki pulit ki dang pynlong iaka jing tohkit halor katei ka kam.
Shuh shuh hadien katei na ka liang jong ki pulit ki la pynkit noh ia ka met iap jong utei u samla sha Hospital naka bynta ban leh ia ka Postmortem ban lap iaki jing shisha baroh.