Shillong:La ioh ban tam ia kawei ka metiap jong iwei i khyllung shynrang ha ka 4 tarik u Jymmang 2021 i ba la thiah ha ka um Wahumkhrah kaba don ha Mawlai Nongpdeng Block C kaba la pyut bad ia ka kane ka metiap jong i ne i khyllung shynrang la shu tharai ba i dei i ba dang shu kha.
Hadien ba la dep ban leh ia kaba donkam, ia ka met jong i ne i khyllung la buh noh ha ka kamra buh metiap kaba don ha Civil Hospital, Shillong na ka bynta ban don ithuh bad ban don ki nong wankam.
U Superintendent of Police jong ka East Khasi Hills, u la kyntu ruh ba lada don mano mano kiba ioh jingtip eiei halor kane ne kiba lah ban ithuh ia kane ka metiap ki lah ban phone sha kine ki nombar na ka bynta ban rah noh mar mar ia kane ka metiap 03642222214/2222215.
Phi don ban ong eiei?