Shillong:Hadien ba la jyllei ka jingjia aksiden khamtam ki ar shaka, ki pulit mynta ka sngi ki la pynlong ia ka jingtalasi ia ki driving license ha kylleng ki bynta jong ka nongbah Shillong ia kiba niah ia ki ar shaka.
Kane ka jingtalasi ia ki driving license ka long shi bynta ban tehlakam ia kiba niah khlem license bad kumjuh ia kito kiba bat steering ha ka rta ba dang rit ba la mana da ka ain. Katkum ka ain, kiba niah kali ne ar shaka, ki dei ban long 18 snem shaneng bad kiba la don ka license kaba pyni ba kila tbit ym dei kiba dang shu shah hikai.
Na kane ka jingtalasi license ki pulit, la iohi ba ki surok ha Shillong kiba kham jynjah kiba pynmareh ar shaka bad kane ka pyni, ba ki don bun kiba niah khlem ka license ne kiba bym biang ki kot ki sla.
Kan bha ruh ia ki pulit ba kin talasi kot sa ia ki kali kiba shu wan die ar kti sha kane ka jylla kiba nabar khnang ba kiba iaid beain khlem biang ki dulir, kin shah pynshitom katkum ka ain.
Phi don ban ong eiei?