T. 80 klur ka surok na Umsning-Sonidan bad T. 40 klur na Liarbang-Mawlasnai, la dep ban pynmang, ong u Dasakhiat

Nongpoh: U Dasakhiatbha Lamare, MLA Mawhati bad uba dei ruh u Myntri hapoh ka sorkar jylla, ha ka jingkren jong u ha Mawrong, u la ong ba u la dep pynmang tyngka na bynta ban pyntrei noh ia ka surok na Umsning sha Sonidan, kumjuh ruh na Liarbang sha Mawlasnai bad mynta u dang trei trei sa ban pynurlong ia ka surok na Umsning sha Mawrong.

Haba batai halor ka jingpynmang tyngka halor kitei ki surok, u Dasakhiat u la ong ba la pynmang tyngka haduh T. 80 klur na bynta ka surok na Umsning sha Sonidan bad T. 40 klur na bynta ka surok na Liarbang shaduh Mawlasnai bad uba la ong ruh ba kitei ki surok kin sa sdang noh shen ban pyntrei tang mar ia rang u slap.