T.8 spah klur pynlut ka sorkar jylla, halor ka khlam Covid 19

Shillong:Ka khubor Sorkar jylla lyngba ka tnat ka Koit ka Khiah la pyntip ba baroh ka pisa kaba la pynlut ha kaba ïadei bad ka khlam Covid 19 haduh mynta ka la kot sha ka T. 816,22,52,312 klur.

Haba ïadei bad katei ka jingpynlut ka pisa halor ka khlam Covid 19 kaba ladei ruh ban poi hapoh ki kynta kylli jingkylli hapoh ka Ïing Dorbar Thawaiñ Synrai ha ka 12 tarik mynta u bnai ba la wanrah da u MLA ka 17 North Shillong Konstitwensi u Bah Adelbert Nongrum, hynrei namar ka jingkhim ka por khlem lah shuh ban pyndep.
Hynrei katkum ka jubab ba la ïoh na ka tnat ka Koit ka Khiah la ïathuh ba baroh ka pisa kaba la pynlut na ka sorkar Pdeng ka la kot sha ka T. 76, 56, 18, 000 klur bad ka pisa ba la pynlut na ka sorkar jylla pat ka la poi T. 739,66,34,312 klur.

Haba ïadei pat bad ki jingpynlut katkum ka jingphiah kiba ïadei bad ki jingtei bad ki bymdei ki jingtei ka long ba na ka bynta ki lad jingtei ne Infrastructure ka jingpynlut baroh ka long T. 49,98,09,560 klur bad ki bym dei ki jingtei ne Non-infrastructure ka long baroh T. 766,24,42,752 klur.
Kine baroh dei ki jingkheiñ jingdiah ba la ïoh napoh ka tnat Health and Family Welfare ka sorkar jylla.