New Delhi:Ka Tnat Consumer Affairs ka la bthah ia ka NCCF bad NAFED ban die ia ki sohsaw ha ka dor die khutia kaba T. 70 shi kilo naduh ka 20 tarik Naitung 2023 ha kaba iadei bad ka jingkiew dor u sohsaw. Ki sohsaw ba la thied da ka NCCF bad NAFED kidei kiba la die khutia, nyngkong ha ka dor T. 90 shi kilo bad hadien la pynduna sha ka T. 80 shi kilo naduh ka 16 tarik Naitung, 2023. Ka jingpynduna sha ka T. 70 shi kilo kan iarap shuh shuh ia ki paidbah nongthied.
Lah ban pynkynmaw ba halor ka jingbthah jong ka Tnat Consumer Affairs, ka NCCF bad NAFED ki la sdang ia ka jingthied ia ki sohsaw na ki mandi ha Andhra Pradesh, Karnataka bad Maharashtra na ka bynta ban die ha ki jaka ba donkam ia u sohsaw ha kaba ka jingkiew dor ka la long kaba heh tam ha une u bnai ba ladep. Ka jingdie khutia ia ki sohsaw ha Delhi- NCR ka la sdang naduh ka 14 tarik Naitung, 2023.
Haduh ka 18 tarik Naitung, 2023 kine ki artylli ki kynhun ki ladep thied haduh 391 MT ki sohsaw ia kiba la pyllait sha ki jaka ba donkam ba don ha ki centre ha Delhi- NCR, Rajasthan, UP bad Bihar.
Phi don ban ong eiei?